ਮਹਿਕਾਂ

ਫੁੱਲਾਂ ਵਾਂਗੂ ਖਿੜ ਖਿੜ, ਬੇਗਰਜ਼ ਮਹਿਕ ਖਲਾਰ ਛੱਡੋ ! ਨੇਕੀ ਕਰੋ ਭੁੱਲ ਜਾਵੋ, ਪਿਆਰ ਮਿਨਾਰ ਉਸਾਰ ਛੱਡੋ ! ਓਏ ਦਰਦਾਂ ਵੰਡਾਉਣ ਵਾਲਿਆ ਇੱਕ ਚੀਸ ਤਾਂ ਕਲੇਜੇ ਰਹਿ ਗਈ | ਆਸਾਂ ਦੀ ਲਾਟ 'ਦਿਲ -ਜਲੀ' ਗਮ ਖਾਰ ਬਣ ਅੰਦਰ ਲਹਿ ਗਈ । 'ਥਿੰਦ' ਆਪਣੀ ਹੀ ਅੱਗ ਸੇਕ ਤੂੰ ਭਾਵੇਂ ਭੁੱਬਲ ਹੀ ਬਾਕੀ ਰਹਿ ਗਈ।thindkamboj1939@gmail.com

16 September 2013

ਪੰਜਾਬੀ ਗਜ਼ਲ

ਇੱਕ ਸੋਚ ਮੈਨੂੰ ਕਹਿ ਗਈ
ਮੰਜ਼ਲ ਤਾਂ ਪਿਛੇ ਰਹਿ ਗਈ

ਤੁਰੇ ਸੀ, ਇਕ ਆਸ ਲਈ
ਪੱਤਝੜ ਹੀ  ਪੱਲੇ ਪੈ ਗੈਈ

ਮਿਟਿਆ ਕਿਸ ਤਰ੍ਹਾਂ ਵਜੂਦ
ਮਿੱਟੀ ਤੱਕ ਹਨੇਰੀ ਲੈ ਗਈ

ਦਰਦਾਂ ਵੰਡਾਵਨ ਵਾਲਿਓ
ਸੀਨੇ 'ਚ ਦਰਦ ਲਹਿ ਗਈ

ਉਠ ਉਲਾਂਘ ਪੁੱਟ ਤਾਂ ਸਹੀ
ਰੋਸ਼ਨੀ ਥੋੜੀ  ਦੂਰ ਰਹਿ ਗਈ

'ਥਿੰਦ' ਮੁੱਠੀ  'ਚ ਸੂਰਜ ਰੱਖਦਾ
ਤਾਂ ਹੀ ਵੈਰੀ ਨੂੰ ਭਾਝੜ ਪੈ ਗਈ

  ਇੰਜ: ਜੋਗਿੰਦਰ ਸਿੰਘ ਥਿੰਦ
( ਸਿਡਨੀ )