ਗ਼ਜ਼ਲ 117
ਉਹਨੂੰ ਵੇਖਣ ਲਈ ਭੀੜ ਲੱਗਦੀ ਰਹੀ ਏ
ਉਹ ਵੀ ਤਾਂ ਵੱਧ ਚੜ ਕੇ ਫੱਬਦੀ ਰਹੀ ਏ
ਉਹਦੇ ਸ਼ਹਰੋਂ ਲੰਗਿਆ ਸੀ ਜਦੋਂ ਜਾਂਦੇ ਜਾਂਦੇ
ਸੁਣਿਆਂ ਹੁਸਨਾਂ ਦੇ ਨਾਲ ਠੱਗਦੀ ਰਹੀ ੲੈ
ਉਹਦੀ ਸ਼ਾਣ ਵਿਚ ਗੀਤ ਗਾਉਣ ਲੋਕੀਂ
ਮਹਿਫਲ ਉਸਦੀ ਤਾਂ ਸਦਾ ਮੱਘਦੀ ਰਹੀ ਏ
ਬੱਚ ਕੇ ਨਿਕਲਣਾ ਉਸ ਦੀ ਗਲੀ ਥਾਣੀ
ਹਰ ਵੇਲੇ ਨਵਾਂ ਸ਼ਿਕਾਰ ਲੱਭਦੀ ਰਹੀ ਏ
ਜੋ ਗਿਆ ਓਥੇ ਮੁੜ ਨਾ ਆਇਆ ਵਾਪਸ
ਸ਼ਾਇਦ ਮਿਹਰ ਉਹਦੇ ਤੇ ਰੱਬ ਦੀ ਰਹੀ ਏ
ਲਗਦਾ ਪਿਛਲੇ ਕਿਸੇ ਜਨਮ ਦਾ ਫਲ ਇਹ
ਅੱਜੇ ਫਿਰ ਵੀ ਜੋਤ ਉਹਦੀ ਜਗਦੀ ਰਹੀ ਏ
ਹੁਣ ਭਾਂਡਾ ਉਹਦੇ ਪਾਪਾਂ ਦਾ ਭਰ ਗਿਆ ਹੈ
"ਥਿੰਦ'ਸਤਾਂਉਦੀ ਤਾਂਘ ਉਸ ਹੱਜਦੀ ਰਹੀ ਏ
ਇੰਜ: ਜੋਗਿੰਦਰ ਸਿੰਘ "ਥਿੰਦ"
( ਸਿਡਨੀ )
No comments:
Post a Comment
ਤੁਹਾਡੇ ਸਾਰਥਕ ਵਿਚਾਰਾਂ ਦੀ ਉਡੀਕ ਰਹੇਗੀ